CRISTINA, LA DERECHA Y EL FAP EMPONDEREN
A UN HOMÓFOBU, ENEMIGU DEL DERECHU AL ALBUERTU, Y COLLABORADOR DE LA DICTADURA DE VIDELA
La designación de Jorge Bergoglio como’l nuevU
Papa celebróse con voladores por Cristina, la derecha y el FAP. Cristina, nuna
carta que-y unvió de secute fuera elexíu, escribió que “nel mio nome, nel del
Gobiernu arxentinu y en representación del pueblu del nuestru país, quiero
saludalu y espresa-y les mios felicitaciones”. Depués, declaró que “güei ye un
día históricu, y nun quiero dexar de mentalo: per primer vez en dos mil años va
haber un Papa que pertenez a Llatinoamérica” (Día a Día, 14/03). D’otru llau, Macri declaró que la designación
“va marcar un futuru prometedor pa los arxentinos” (La Nación ,
14/03). Na mesma llinia, “el titular del Partíu Socialista, Hermes Binner,
felicitó al cardenal Jorge Bergoglio por convertise nel ‘primer Papa arxentinu’
y reconociólu como ‘un home de diálogu’” (Gaceta
Mercantil, 13/03). A la llista sumáronse Ricardo Alfonsín, que “manifestóse
‘conmovíu y feliz como católicu’” (ibídem),
y Elisa Carrió, que “celebró la so elección como Papa, que talantó como ‘el
mayor signu de que vienen tiempos distintos’ pa l’Arxentina” (La Nación ,
14/03).
LOS
NACIONALISTES, EL CENTRUESQUIERDA PROGRESISTA Y LA BUROCRACIA SINDICAL
SÚMENSE AL “OPERATIVU CLAMOR” EN PORGÜEYU DE LA ILESIA CATÓLICA
Estes declaraciones faen rescamplar dafechu la
completa submisión de los partíos patronales a la Ilesia Católica ,
la mesma Ilesia que, sigún la propia titular de les Madres de Plaza de Mayu,
Estela de Carlotto (kirchnerista), “escureció la historia del país” (Clarín, 15/03). El centruesquierda y la
burocracia sindical decidieron sumase a esti “operativu clamor” en porgüeyu de
Bergoglio. “Fernando ‘Pino’ Solanas (principal dirixente de Proyectu Sur, onde
tán integraos el MST y el PCR, NdR) manifestó que ‘la elección del Papa cai
nuna figura notable de la Ilesia
como ye Bergoglio pol so enorme equilibriu y sabiduría’” (InfoSur, 13/03). Facundo Moyano, fíu del titular de la CGT opositora a Cristina,
declaróse “rialmente emocionáu como llatinoamericanu y católicu, al conocer la
noticia de que’l primer Papa non europeo en 2000 años va ser un arxentinu” (Perfil, 13/03). Nesi mesmu sen, “la CGT Azopardo , que
lidera Hugo Moyano, manifestóse tamién ‘llena d’emoción’ pola elección del
cardenal arxentinu como Sumu Pontífice” (Terra,
13/03). Pérez Esquivel, titular del SERPAJ, salió a llava-y la cara a Bergoglio
diciendo que “nun tenía venceyu nengún cola dictadura” (Clarín, 14/03). Emilio Pérsico, dirixente del Movimiento Evita, espresó
que “Bergoglio ye peronista, ye un compañeru” (Movimiento Evita, 14/03). “El referente de Libres del Sur, Humberto
Tumini, dixo qu’espera que ‘el nuevu Papa seya a interpretar los nuevos tiempos
y ecehe un gabitu pa sacar a la
Ilesia de sus caberos trazos medievales’” (Terra, 13/03).
La mesma actitú tuvieron los nacionalistes llatinoamericanos.
Nicolás Maduro dixo que “el fináu mandatariu venezolanu, Hugo Chávez, debió
influyir dende’l cielu pa qu’esti miércoles fuera electu per primer vez na
historia un Papa llatinoamericano, el cardenal arxentinu Jorge Mario Bergoglio”
(La Nación , 14/03/2013). Correa dixo que la
designación “‘ye daqué histórico y una bona nueva’ pa la rexón” (El Comercio, 15/03). A un tiempu, “el
presidente Evo Morales felicitó, per aciu d’una misiva, al Papa Francisco por
constituyise nel primer Pontífice llatinoamericano a cargu de la Ilesia Católica y espresó-y
la voluntá de la so alministración de mantener y reforciar les rellaciones cola
Santa Sé nel marcu del respeto mútuu, a la vida, a la dignidá de los pueblos” (Correo del Sur, 15/03).
ENTAMEMOS
UNA GRAN MOVILIZACIÓN P’AMOSAR EL REFUGU DEL PUEBLU ARXENTINU A BERGOGLIO
Toes estes declaraciones amuesen l’asquerosa
descomposición que define a los partíos patronales d’Arxentina, y a los centruesquierdistes
y burócrates que sistemáticamente refuercien la so tendencia a la integración en
Cristina, la derecha y el FAP. Nun-yos dio má salir a defender a un xerarca
eclesiásticu que manifestara públicamente la so homofobia, la so perdura oposición
al derechu al albuertu, y que collaboró cola dictadura militar.
La esquierda y los lluchadores tenemos que
manifestar a les clares el nuestru más completu refuguo a Bergoglio. La so
designación namás pue implicar un reforciamientu de les tendencies reaccionaries
nel nuestru país. Dende’l FEL y la
TPR propunximos nel Alcuentru Memoria Verdá y Xusticia qu’entamemos
una movilización masiva a la catedral pa espresar esti refugu. Facemos estensiva
esa propuesta a toles organizaciones y colectivos de muyeres que lluchen pol
derechu al albuertu y escontra la misoxinia; a toles organizaciones y
colectivos que lluchen pol reconocimientu de tolos derechos pa la comunidá
LGBTIQ; a tolos organismos de DDHH que tán engarraos pol xuiciu y castigu a
tolos xenocides de la dictadura. Salgamos a la cai p’amosar que’l pueblu arxentinu
refuga a Bergoglio.
RESUME
VITAL DEL PAPA FRANCISCO I – BERGOGLIO:
ENTAMÓ LA SO MILITANCIA NA
“GUARDIA DE FIERRO”, DE LA
DERECHA PERONISTA
Bergoglio entamó la so militancia en 1972 na
“Guardia de Fierro”, “la poderosa organización paramilitar que posteriormente
intervino na apropiación de los bienes de los desaparecíos. Guardia de Fierro yera
daquella la meyor escuela de cuadros que tenía la derecha peronista. El so
cabezaleru, Alejandro el Gallego Álvarez, comandaba a 15 mil militantes formaos
baxo una disciplina perdura y adoctrinaos pola ortodoxia ultramontana. La
organización autodisolvióse oficialmente en 1974, pero siguió actuando y
–gracies a los bonos oficios de Bergoglio, ente otros–, llegó a tener escelente
rellación con Massera. El 31 de xunetu de 1973, a Bergoglio elixéronlu,
que ye’l puntu máximu del escalafón de la Compañía de Xesús, una orde caracterizada pola
obediencia y disciplina cuasi militar. Un informe d’intelixencia de la Side especializáu nel siguimiento
de los temes y los actores eclesiásticos de la dómina –que se conserva nun
archivo de la Cancillería –
defende que Bergoglio proponíase llimpiar
la Compañía
de ‘xesuites zurdos’” (InfoNews, 14/10/2010).
COLLABORÓ COLA DESAPAICIÓN
DE CURES TERCERMUNDISTES
“La titular de les Güeles de Plaza de Mayo,
Estela de Carlotto, acusó güei al flamante pontífice de tener ‘collaborao cola
entrega de dos sacerdotes’ de la
Compañía de Xesús, onde formaba parte de la so cúpula na
última dictadura militar” (La Razón , 15/03/2013).
Carlotto fai referencia a “Orlando Yorio, que denunció a Bergoglio como’l
responsable del so secuestru y de les tortures que padeció per cinco meses de 1976” (Página 12, 14/03/2013). “Sigún un documentu facsimilar sacáu por Horacio
Verbitsky pal so llibru ‘El Silenciu’ y espardíu peles redes pol historiador
chileno Sergio Grez, Bergoglio acusó personalmente a Jalics d’‘actividá disolvente
en Congregaciones relixosas femenines (conflictu d’obediencia)’ énte un esbirru
de apellíu Orcoyen. L’informe policíacu diz que’al sacerdote Jalics ‘detuviéronlu
na Escuela de Mecánica de l’Armada’l 24 de mayu de 1976-payares 76 (6 meses)
acusáu col padre Yorio (como) sospechosu de contactu guerrilleru’. A Jalics y
Yorio secuestráronlos, tuvieron desapaecíos y salieron en llibertá” (Periodistas en Español, 14/03/2013).
FOI CÓMPLIZ DEL ROBU DE ÑEÑOS
NA DICTADURA
Contra Bergoglio, “les Güeles de Plaza de Mayo
reclamaron énte la Xusticia
arxentina pola so implicación nel robo de ñeños, concretamente nel casu de la
nieta d’Alicia de la Cuadra ,
una de les fundadoras d’aquella asociación” (Periodistas en Español, 14/03/2013). Carlotto desplica que se trata
d’“una familia platense, con una fía embarazada que desapaeció y hubo noticies
de que tuvo una nena na comisaría quinta de La Plata. Fueron a
consultar a Bergoglio, Bergoglio mandó a consultar a un terceru y la respuesta
que-y dio a la familia ye que 'nun busquen más porque la nena ta en bones manes'”
(La Razón , 15/03/2013).
YE UN ENEMIGU DE LOS
DERECHOS DE LES MUJERES Y LOS HOMOSEXUALES
Bergoglio “ye un históricu y radical opositor
al matrimoniu igualitario y al albuertu non punible. En medio del debate del
proyecto que llegaliza’l casoriu ente dos persones del mesmu sexu, Bergoglio fexo
pública una carta de refugu empobinada a los cuatro monasterios de Buenos
Aires: ‘Nun vamos ser inxénuos: nun se trata d’una simple llucha política; ye la
pretensión destructiva al plan de Dios’ (…) La so postura no que toca al
albuertu ye de refugu en cualisquier casu, nin siquier por violación” (La Nación ,
14/03/2013).
Daiana Asquini
Traducido por Faustino Zapico Álvarez de Izquierda Asturiana
No hay comentarios:
Publicar un comentario